3
நட்சத்திரத்திற்கு
விரல் முளைத்த நளில்
தேவகுமாரன் பூமிக்குள் நுழைகிறான்.
கிறிஸ்துவின் மின் விளக்கு மரம்
வீட்டை ஒளிரச் செய்யும் வேளை
சகலரது வீடுகளிலும்
பசுமைத் தழைக்க முளைவிடுகிறது-
ஒற்றை வால் நட்சத்திரம்.
வானத்தின் கீழ்
வண்ண வண்ண கிறிஸ்து மரம்
ஆயிரமாயிரம் வால் தரித்த
கலர் கலர் நட்சத்திரங்கள்
ஒளி கொட்டும் டிசம்பர் மாதத்தில்
எல்லோரது வீட்டிற்கும்
தேவைப்படுகிறார் ஒர் மீட்பர்.
4.
வானத்து கீழாக
திறந்துக்கிடக்கும் பெட்டினுள்
கொட்டிக் கொண்டே இருக்கிறது
குட்டிக் குட்டி நட்சத்திரங்கள்.
நிறையாத அப் பெட்டியை நிறைக்க
பேரின்பத்தோடு போராடுகிறான் ஒருவன்.
நிறையாத அப் பெட்டியைப் பூட்டும்
சாவிக்கு எதிராக
பெரிதாகிக் கொண்டே போகிறது
தூவாரம்.
No comments:
Post a Comment